чење преку работа кај работодавач – РС Боби 99 ДООЕЛ Прилеп
Учениците од II година, образовен профил Економски техничар – дуална паралелка, реализираат учење преку работа кај работодавачот РС Боби 99 ДООЕЛ – Прилеп.
Во рамките на практичните активности во административниот сектор, учениците се запознаваат со секојдневното работење, работа со деловна документација, подготвување, средување, евидентирање и архивирање на документи.
Преку непосредно вклучување во работниот процес, учениците ги применуваат стекнатите теоретски знаења и развиваат практични вештини, одговорност, прецизност и професионален однос кон работата.
Благодарност до РС Боби 99 ДООЕЛ – Прилеп за соработката и поддршката во реализацијата на дуалното образование.
Учиме преку работа, стекнуваме практични вештини и се подготвуваме за идната професија!