За реализирање на проект  во рамките на Еразмус + програмата од Националната Агенција за Европски образовни програми и мобилност финансирани од Европската комисија, СОЕПТУ„Кузман Јосифоски -Питу“- Прилеп распишува повик за аплицирање.

Екипата од нашето училиште повторно најуспешна во категоријата ‚‚Маркетинг план‚‚ на образовното рандеву МАССУМ 2019 каде учествуваа сите средни стручни училишта од Македонија.
Наградата за прво место ја освојуваме седми пат по ред што е апсолутен рекорд во сите категории.

Честитки за тимот на ученици составен од;
Ана Марија Димоска IV-6 клас трет медал (2017,2018,2019)
Стефани Атанасоска III-4 клас (прв медал 2019)
Валентин Димитриоски II-6 клас (втор медал 2018,2019)
Христина Нунеска IV-4 клас (2017,2018,2019 трет медал)
Христина Нунеска оваа година освои прво место и во Интервју за работа на Македонски јазик што беше незин седми медал во сите учества на МАССУМ.
Валентин Димитриоски имаше викенд од соништата каде во сабота доби награда за прво место во маркетинг план, а во недела прво место на државно првенство во Џудо.
Во сите овие години ментори за маркетинг план се професорите Менче Китаноска и Илчо Јорданоски.

Во рамки на проектот „Ефективна употреба на мобилни апликации во образованието“, финансиран од Еразмус + програмата на ЕУ, СОЕПТУ
„Кузман Јосифоски-Питу“ беше домаќин на четвртата тренинг средба на наставнци и ученицина гости од средните училишта од Турција,Италија, Литванија и Унгарија во периодот од 17 до 23 март 2019 год. Ова е веќе втора година откако се спроведува проектот во чии рамки ученицитепосетуваат работилници на кои изучуваат како се изработуваат мобилни апликации коипотоа би се употребувале на мобилни телефони и таблети.

Треба да се истакне дека заедничката работа на проектот,размената на искуствата, знаењата, претставува огромен капитал назнаење и за професорите и за средношколците од петте земји.

МЕЃУНАРОДЕН НАТПРЕВАР
ОЛИМПИЈАДА ВО ФИНАНСИСКА МАТЕМАТИКА И АКТУАРСТВО
Натпреварот се одржа во Фон универзитетот на 23.03.2019 година.
Во категоријата сениори СРЕБРЕН МЕДАЛ освои ученичката
МАРИЈА НИКОЛОСКА ученичка во III-5 клас додека ЕЛЕНА ТАЛЕСКА од III-4 клас доби пофалница.
На натпреварот учествуваа 258 ученици од повеќе европски земји кои учат во стручни економски училишта.
Во категоријата јуниори БРОНЗЕН МЕДАЛ освоија учениците
ВАЛЕНТИН ДИМИТРИОСКИ од II-6 и
АНГЕЛА НЕДЕЛКОСКА од I-6 додека
МАРТИН АТАНАСОСКИ од II-6 освои поени за пофалница. Во оваа категорија учествуваа 310 ученици од економските училишта во Европа.
Учениците се подготвуваа под менторство на нивните професори по математика Маргарита Анѓелкоска, Жарко Смоквоски и Билјана Ѓеорѓиеска

На ден 16.10.2019 г. во просториите на СОУ „Кузман Јосифоски – Питу“ беше одржана работилница на тема „Трговија со луѓе“ од страна на претставник од Црвен Крст – Прилеп, по повод одбележување на Светскиот ден за борба против трговија со луѓе 18 октомври.

 

Со работилницата беа опфатени учениците од 2 година. Целта беше запознавање на учениците со поимот „Трговија со луѓе“ и подигнување на јавната свест за сериозноста на проблемот со трговијата со луѓе.   Запознавање на ученициците со тоа кои се главни факторите за влегување во мрежата на трговија со луѓе:недостатокот на работни места, нискиот степен на образование, нарушените и дисфункционални семејства, слабостите во заштитата на човековите права, неспроведувањето на соодветни политики и многу други.

Работилницата беше организирана со цел учениците да се запознаат со индикаторите за препознавање на трговија со луѓе и да може да идентификува потенцијални жртви на трговија со луѓе, како и да се заштити себе.