Нашиот Ученички совет се пласира во финалето од шест најдобри училишта на натпреварот ,,НајГЛАСни-2026,, организирано од ЛЕАД и фондација Конрад Аденауер. Под менторство на професорите Емануела Николоска и Илчо Јорданоски учениците ја претставуваат ученичката заедница. Тимот е составен од ученичкиот правобранител Матеј Трајкоски, секогаш гласната Јована Мојаноска и нашиот докажан училишен поет Азра Тафоска. Натпреварот започна во Собранието на Р.С Македонија на состанокот со Клубот на младите пратеници. Учениците следните три дена ќе бидат сместени во Хотел Романтик Велес.
