ОТВОРЕН ДЕН

На 3.6. СОЕПТУ,,КУЗМАН ЈОСИФОСКИ-ПИТУ” одржа Отворен ден на училиштето. Во посета ни стасаа сите деветтоодделенци на општинско ниво, кои имаа можност да се запознаат со стручното образование, струките и профилите кои ги нуди нашето стручно училиште. Штандовите беа уредно подготвени од учениците и професорите кои целосно се вложија во презентирање и промоција на стручноста на училиштето. Директорката, Христина Бозоска – Николоска даде интервју за спремноста на училиштето и можностите на профилите, одредени ученици зборуваа за самиот профил, а исто така и професорите од одредени области зборуваа за стручноста на профилите. На овој голем ден за нас во посета ни беше и градоначалникот г-дин Борче Јовчески кој разговараше со учениците, колегите и деветтоодделенците. За целокупното наше пријатно расположение се погрижи бендот на нашето училиште и прекрасниот, ангелски глас на нашата матурантка – Елмедина Мамудоска. Сите бевме пријатно изненадени и од посетата на Мите Стоилов, добро познато лице од емисиите со забавен карактер во Македонија и надвор од неа, кој не расположи со неколку музички изведби.