ОСВОЕНО ТРЕТО МЕСТО НА НАТПРЕВАРОТ ЗА ЦИРКУЛАРНА ЕКОНОМИЈА

СОЕПТУ “Кузман Јосифоски-Питу ” од Прилеп денес со шест тимови од ученици во придружба на своите професори како ментори, учествуваше на натпреварот од областа на циркуларната економија, организиран од страна на Економскиот факултет во Прилеп, а жири комисијата беше од бизнис секторот.
Во конкуренција на 22 тимови од сите средни училишта од Прилеп и дел од Битола, нашите ученици со своите иновативни идеи достојно го претставија училиштето.
Тимот во состав од нашите ученици:

• Сања Алексоска 3-5,
• Леонтина Петреска 3-4,
• Арнела Рамовиќ 3-3 и
• Мартин Димоски 4-6,
  под менторство на професорката Цветанка Димоска го освои третото место и се пласира во финалето.
  Благодарност до Економскиот факултет во Прилеп за соработката.
  Продолжуваме понатаму!